ڕۆژی پێنج شەممە، ٢٠٢٤/٥/١٦ نوێنەری تیمی ژینگەیی رێکخراوی ئازادبوون بەشدار دەبێت لە گفتوگۆیەکی کراوە
بە ئامانجی بەهێزکردنی کۆمەڵگەی مەدەنی بۆ سەرکردایەتیکردنی هەڵمەتەکانی داکۆکیکاریی کاریگەر، بەهێزکردنی هاوکاریی نێوان لایەنە چالاکەکانی کۆمەڵگەی مەدەنیی عێراق و کۆمەڵگەی مەدەنی نێودەوڵەتی و پێشخستنی مافەکانی مرۆڤ و بەردەوامیی ژینگەیی.
گفتوگۆیەکی کراوە لەگەڵ کۆمەڵێک ڕێکخراوی کۆمەڵگەی مەدەنی لە شاری سلێمانی ئەنجام درا بۆ دەستنیشانکردنی ئەو لاوازی و ئالنگارییانەی ڕووبەڕووی ڕێکخراوەکانی کۆمەڵگەی مەدەنی دەبنەوە لە بەرگریکردن لە مافەکانی مرۆڤ و ژینگە، کە تیایدا تیشک خرایە سەر چەند بابەتێکی گرنگ وەک سنوورداربوونی سەرچاوە و بودجە، ئاستەنگی ڕێکخراوەیی، نەبوونی هۆشیاری و بەشداریی ژینگەیی، نەبوونی هەماهەنگی، هەروەها نوێنەرانی ڕێکخراوە جۆراوجۆرەکانی کۆمەڵگەی مەدەنی کە ئەزموون و نیگەرانییەکانیان لەبارەی مافەکانی مرۆڤ و پرسە ژینگەییەکانەوە باس کرا.
گفتوگۆکە جەختی لەسەر پێویستیی هاوکاریی بەهێزتر و بەرنامەکانی بنیاتنانی توانا و زیادکردنی پشتیوانی دارایی کردەوە بۆ بەهێزکردنی ڕێکخراوەکانی کۆمەڵگەی مەدەنی و بەرزکردنەوەی هەوڵەکانیان بۆ بەرگریکردن لە مافەکانی مرۆڤ و ژینگە لە عێراق.
ئەم گفتوگۆیە لە چوارچێوەی پڕۆژەی “بەهێزکردنی دەنگی کۆمەڵگەی مەدەنی و هاوبەشی لە بواری مافەکانی مرۆڤ و ژینگە لە عێراق” ئەنجام درا لە لایەن رێکخراوی مەسەلە، بە هاوبەشی لەگەڵ ڕێکخراوی پردی ئیتاڵیا و پاڵپشتی سندوقی نەتەوە یەکگرتووەکان بۆ دیموکراسی.
