رۆژی دووشەممە رێککەوتی (١٠/١٠/٢٠٢٢) تیمی پەروەردەی رێکخراوی ئازادوبوون، بە ئامادەبوونی هەردوو ئەندامی تیمەکە (دکتۆر شیلان و کوردە ئەحمەد) بە هاوکاری کۆلێژی زانستی زمان و پەروەردەی بنەڕەت، لە زانکۆی سلێمانی، سیمینارێکیان بۆ مامۆستاو پەروەردەناس (سروە نوری عەزیز) رێکخست.
لە سیمینارەکەدا، دەربارەی ئەم ناونیشانانە گفتوگۆکرا:
- باسی ڕیفۆرم لە پەروەردەی وڵاتی سوید.
- 2. باسی ڕیفۆرم لە کوردستان لە دوای ڕاپەڕینی 1991 ەوە.
- 3. هۆکاری سەرکەوتنی ڕیفۆرم لە وڵاتی سوید.
- 4. هۆکاری سەرنەکەوتنی ڕیفۆرم لە کوردستاندا.
دواتر وەک نموونەیەکی سەرکەوتوو و بەچاو، مامۆستا سروە ئاماژەی بە سەرکەوتنی فێرگەی یاڵانقۆز کرد، کە لە گوندێکی هەژاردایە و فێرگەکەش هەژارە، بەڵام بە هەوڵی بەڕێوەبەر و مامۆستاکان سەرکەوتنێکی باشیان بەدەست هێناوە، چونکە سەرکردەن لە کارەکەیاندا.
