رێکخراوی ئازادبوون بۆ تواناسازی، تاکگەرایی و پەرەپێدانی توانا مرۆییەکان

ئازادبوون سپۆنسەری کارەکانی سەمای هەناسەی شار دەکات

Share on facebook
Facebook
Share on twitter
Twitter
Share on linkedin
LinkedIn

گروپی سەمای هاوچەرخ بەھاوبەشی بەشی شانۆی پەیمانگای ھونەرە جوانەکان و سپۆنسەری رێکخراوی ئازادبوون و پارێزگاری سلێمانی، ڕۆژانی ٢ و ٣ ی مانگی ١١ لە هۆڵی ڕۆشنبیری سلێمانی، سەمای هەناسەی شار پێشکەش دەکات.

کاروان عومەر، سەرۆکی رێکخراوی سەمای هاوچەرخ رایگەیاند: ماوەی نزیکەی مانگێک لە هاویندا لە ڕێگای جەستەوە سەرقاڵی خەونبینین بووین، لە کۆرسی سەمای هاوچەرخ دا لە شاری سلێمانی، لە ئەنجامی کۆرسەکە ٣ پارچە سەما وەک بەرئەنجام لە ژێر ناوی (هەناسەی شار) بەرهەم هات .
وتیشی: بە هۆی ڤایرۆسی کۆرۆناوە نەمانتوانی پڕۆژەی سەمای (هەناسەی شار) پێشکەش بکەین و خەونەکەمان هەندێک دواکەوت، بەڵام لە ئێستادا لە دوای نزیکەی ٢ هەفتە لە پڕۆڤە و ڕاهێنان، توانیمان پڕۆژە سەماکەمان سەر لە نوێ پڕ بکەینەوە لە هەناسەی شار و لە ڕۆژانی ٢ و ٣ ی مانگی ١١ لە هۆڵی ڕۆشنبیری سلێمانی سەمای هەناسەی شار پێشکەش دەکەین.
پارچە سەماکانی سەمای {هەناسەی شار} بریتیین لە:
١- کارمینا بورانا.
٢- بۆلێرۆ.
٣- جەنجاڵی ژیان.
راشیگەیاند: لێرەوە خۆشحاڵی خۆمان بە ئامادەبوونی هونەر دۆستان رادەگەیەنین.