رێکخراوی ئازادبوون بۆ تواناسازی، تاکگەرایی و پەرەپێدانی توانا مرۆییەکان

ژمارەیەک لە زیندانیانی بادینان و گوهدار زێباری دەستیان بە مانگرتن کردووە

Share on facebook
Facebook
Share on twitter
Twitter
Share on linkedin
LinkedIn

ژمارەیەک لە زیندانیانی بادینان کە ماوەی نزیکەی ساڵێکە دەستگیرکراون تا ئێستا ڕۆژی دادگاییان دیاری نەکراوە و لەگەڵ گوهدار زێباری سزادراوی بادینان دەستیان بە مانگرتن کردووە و چەند داوایەکیشیان هەیە.

ئەیھان سەعید، نوێنەری زیندانیانی بادینان ڕوونکردنەوە و داواکاری ژمارەیەک لە زیندانیانی بادینانی بڵاوکردەوە و ڕایگەیاند “پێنچ زیندانی بادینان کە خەڵکی شێلادزێن و لەگەل گوھدار زێباری و چەند زیندانییەکی دیکەدا ماوەی ٣ رۆژە دەستیان بە مانگرتن کردووە لە خواردن و دۆخیان باش نییە”.

ئەو ڕوونکردنەوەی ئەو زیندانیانەی بڵاوکردووەتەوە و کە دەڵێن: لەسەرەتای رفاندنمان لە لایەن ھێزە ئەمنیەکانەوە زۆر بە توندی ئەشکەنجدراوین (دوو پەنجەی ئەمجەد رێکانی کە وەکو ھێمای ئازادی لە رەسمەکان بەرزیدەکردنەوە شکێنراون) و لەژێر ھەڕەشەو تەعزیبدا دانپێدانانیان لەسەر ھەندێک تاوان پێ کردوین و ڤیدیۆ کراوین و بڵاویشیدەکەنەوە”.

ئەو زیندانیانە باس لەوە دەکەن کە بێ جگە لەوەی رێگەیان پێ نادەن پارێزەرەکانیان ببینن، شەڕی دەروونیان لەگەڵ دەکرێت و دەشڵێن “لەکاتی لێکوڵینەوەدا گشت وتە و ئیفادەکانمان گۆڕدراون و پێیان ئیمزا کردوین کە نەمان زانیوە چی نوسراوە”.

ئاشکرای دەکەن کە ماوەی سێ ڕۆژە دەستیان بە مانگرتن کردوە لە خواردن و داوا لە UN و رێکخراوە ناوخۆیی و جیھانیەکانی مافی مرۆڤ، میدیاکان، پەرلەمانتاران، لایەنە سیاسیەکان و گشت خەڵکی کوردستان دەکەن کە “فریامان کەون و دۆخمان زۆر خراپە”.

داواش دەکەن ڕێیانبدەن پارێزەرەکانیان ببین  و ڕۆژی دادگاییکردنیان دیاریبکرێت و دەشڵێن: ئێمە و ھاورێ حوکمدراوەکانمان وەکو گوھدار زێباری لە ئاساشی گشتیەوە بگوازرێنەوە بۆ چاکسازی گەوران لە ھەولێر یان دھۆک.

ئەوان تەحەدا دەکەن کە زیندانیانی شێلادزێ و بادینان یەک تاوانیان نیە و ئەگەر یاسا سەروەرە بێت، دەبێت ئازادبکرێین تەنیا تاوانیان رەخنە و بیرورای جیاواز و خۆپیشاندان و خەباتێکی مەدەنی بووە.

ئەیهان دەڵێت “زیندانیانی بادینان پێیان وتین ئەگەر کەیسەکەمان یەکلایی نەکرێتەوە تا مردن لە مانگرتن بەردەوام دەبین”.

ناو و رۆژی رفاندنی چالاکوانە دەستگیرکراوەکان کە تا ئێستا دادگایی نەکراون:

مەحمود ناجی صديق (چالاکوان) .. شێلادزێ ٩/١٢/٢٠٢٠

کوڤان طارق جبرائیل (چالاکوان) .. شێلادزێ ٩/١٢/٢٠٢٠

یوسف شەریف ئیبراهیم (چالاکوان) .. شێلادزێ ٩/١٢/٢٠٢٠

ئەمجەد یوسف موستەفا (چالاکوان) .. شێلادزێ ١٤/١٢/٢٠٢٠

نێچیرڤان بەدیع حاجی (چالاکوان) .. شێلادزێ ١٤/١٢/٢٠٢٠

گوھدار زێباری (رۆژنامەوان) .. ئاکرێ ٢٢/١٠/٢٠٢٠ حوکمدراوە و نەقلی چاکسازی ناکرێ

سەرچاوە: ئاوێنە